مصر اليوم

بعد الغياب عنك يامصر :::: راجع أشوف صحوة ضمير
راجع أكتب فوق حيطانك :::::::: لسه فيكى يا مصرخير
اللى رسمك فوق مكانك  :::::::::::: أيده تتلف فى حرير
واللى باعك واللى خانك :::::::::::: والله معدوم الضمير
مسلمين واقفين فى جامع :::::: والمسيحى واقف فى دير
مهما أختلفنا وطنا واحد ::::::::::::::: والغنى زى الفقير
واللى اسس فيكى ثوره ::::::::::::: من شبابك كان كتير

واللى عنده أمل فى بكره :::::::: هيكون قاضى أو سفير
جندى حارس فى مكانه ::::::::::::: واقف بسلاحه غفير
اللى يقرب من بلاده   :::::::: حالف ياخده فى يوم اسير
فى التحرير طوينا     ::::::::::: صفحه الغنى فيها أمير
تركنا للى هيجى زكرى ::::::::: فوق الحق مفيش كبير
فى الحرب قولنا الله أكبر :::::::::::: وربنا كان النصير
وبالاسلام نعلى ونكبر   ::::::::::::::: وندعوا لله القدير
يحفظ مصر من اللى خانوا :::: وتعيش مصر بكل خير
واللى يحكم مصر يعدل ::::::: وبشرع الله يكون بصير